Archiv der Kategorie: Allgemein

Slowenien Tag 8

Hinterlassen Sie eine Antwort

Slowenien wird als «Land der Bienen und der Imkerei» bezeichnet, weil es eine außergewöhnlich hohe Dichte an Imkern pro Einwohner hat, eine tief verwurzelte Imkertradition, die von Generation zu Generation weitergegeben wird, und als Heimat der Krainer Biene bekannt ist.

Föteli vo hüt:

blank

Die Eisenbahn ist recht gut ausgebaut

blank

landwirtschaftlich geprägtes Land

blank

es gibt aber auch anderes…

blank

Ptuj mit Schloss

blank

Altstadt, leider mit Autos

blank

 

Datum: 03.09.2025
Übernachtig: B&B Maribor
Erläbnis:

O hüt si mer in Maribor. Das B&B Hotäl isch suber, modern u i ha rächt guet g’schlafe. Ds Zmorge isch nid grad überragend. I dänke mit es Bitzeli Wehmuet a die letschte Hotäl zrügg. Aber itze!

Am nüni hei mer zmörgelet u gly gruf ache loufe mer zum Bahnhof übere. Mir fahre mit em Zug bis Ptuj. Das Stedtli isch südöschtlech vo Maribor, also i Richtig Kroatie.

Na öppe ere Stung si mer dert. D Altstadt macht e chlyne Teil vo de Hüser us u obe drüber isch es Schloss. Bekannt als Ort zum wohne isch Ptuj sider unändlech langer Zyt. Scho i der Steizyt heig es hie Mönsche g’gäh.

Mer loufe vom Bahnhof us i Richtig Altstadt u de vo da langsam bis zum Schloss ueche. Dert bietet sech eim e tolle Usblick über ds Land. I ds Schloss göh mer nid.
Was me ueche isch, muess me o wieder ache; – das geit de aber ringer.
Am Rand vo der Altstadt ässe mer chley öppis.

Nach em B’suech im Ichoufszäntrum (i muess no es paar Badhose ha), geit es scho wieder i Richtig Bahnhof, für nach Maribor z gondle.

Znacht ässe mer i me Reschturant, wo «Biergarte» a g’schriebe ischisch,
– es git aber o Wasser da. 😜

blank

Slowenien Tag 7

Hinterlassen Sie eine Antwort

blank

D Stärne im Wappe vo Slowenie wärde hüfig mit de drei gröschte Stedt vom Land glychg’setzt. Ei Stärn isch Ljubljana, eine Celje u ei Stärn stöngi für Maribor.

Föteli vo hüt:

blank

Hinger em Stadtschloss, «Kojak» Kunstwerk

blank

Roti Chilche Maribor

blank

Marktplatz mit Peschtsüüle

blank

Fassade zum Marktplatz

blank

letschti Teile vo der Stadtmuur

Datum: 02.09.2025
Übernachtig: B&B Maribor
Erläbnis:

Maribor het hüt rund 110’000 Iwohner. D Römer si no nid hie g’sy, denn het es da no nüt g’gäh. Ersch öppe um 1000 sy d Afäng verzeichnet. Dür Maribor (Marburg) u em Fluss «Drau» nah isch scho früech Handel tribe worde (Ungarn – Österreich). 1164 wird hie e Burg erwähnt, um dä Handel z kontrolliere, das isch d Marburg g’sy.

Slowenie isch slawisch u het e slaweschi Bevölkerig. Im 17. Jahrhundert het es e starche Zuezug vo Lüt us germanische Länder g’gäh. (Öschterrich, Dütschland) Da dertür isch d Stadt Maribor e dütsch sprächendi Insle im slowenische Umland worde.

Das isch so b’blibe bis zum erschte Wältchrieg. D Habsburger (dütsch sprächendi Lüt) u d Slowene si mit enang z Schlag cho.             Nachhär fah die grosse Wirre a.. (lies ds Wiki)

Hüt g’seht me vo der Burg nümm. Uf em Hügeli hinger der Stadt isch no e Kapälle u unger si Wybärge. Überhoupt isch der Wy-Abou u Handel der wichtigscht Wirtschaftszweig vo der Gäged hie.

Morge am achti höckle mer no bim Zmorge in Celje. Nah de nüne fahrt üse Zug nach Marburg oder äbe Maribor. Alles verlouft wie am Schnüerli. Üses Hotäl, ds B(ed) & B(reakfast) in Maribor isch e ganz moderni (Juged)herbärgi.
blankNam Mittag hei mer e Stadtfüehrig vo der ‹Nada›. Si erklärt üs ds Nötige u füehrt üs i der Stadt ume. Unger angerem o der Esel Egge: Lehrer si vor laaaaaanger Zyt im Reschturant zäme gah ässe u hei g’seh, dass sech ihrer Schüeler am Egge gägeüber mit Meitli verabredet u troffe hei. Drum hei si dä Strasseegge «Esels Egge» touft;  – u der Name isch b’blibe…

Na zwone Stung trenne mer is vo üsere Begleitig, nachdäm si üs no der ältischt Räbstock zeigt het. Denn si mer a der Drau unger.

Mer göh de zrügg i ds Hotäl chly gah ‹löie›. Zum Znacht göh mer no einisch i d Stadt u ässe wunderbar italiänisch.

blank

Slowenien Tag 6

Hinterlassen Sie eine Antwort
blank

Celje, mit der Altstadt von oben.

blankDie gesamte Landfäche des Landes.

39 997 km²   20 151 km²
Schweiz Slowenien

Der prozentuale Anteil der landwirtschaftlich genutzten Flächen.

  38.7% 22.8%
  Schweiz Slowenien

Föteli vo hüt:

blank

blank

blank

blank

blank

blank

Datum: 01.09.2025
Übernachtig: Hotel Evropa, Celje
Erläbnis:

Mis Zimmer isch im dritte Stock, höch über de Mönsche vo hie. Gägenüber, über d Gass, es angersch, stattlechs Hus wo im Morge steit. D Glogge vo der Chilche rüeft die Glöibige am sibni, em halbi achti, – hoffe mer si chöme de o. I ha ds Fänschter offe. Es isch i in Celje häll, warm, es Lüftli wähit, es schnuret dusse, me läbt, aber es isch friedlech, – toll i bi in Slowenie.

Mer göh hüt gah d Burg Celje b’sueche. Höch über allem ( o über mim Hotälzimmer) luegt d Burg us em Wald use. Mer hei n is vorg’noh, mit em Bus ueche z fahre. Bi der Reception erkundige mer is u stabe de los. Drum lande mer o bi der Überland-Busstation u nid bim Celjebus. Churz entschlosse kapere mer es Taxi u das bringt is de im Hui für weni Gäld uf e Burghügu ueche. Es isch e spannendi Sach, der Burgg’schicht u dere vo de Bewohner chley nachezgah. D Grafe vo Cilli si witume bekannt g’sy, es het aber o berüchtegti us dere Familie g’gäh. Vo der Burg ache si mer z Fuess ungerwägs.
Unger acho, düecht is, mer chönnte o wieder mit me Taxi wyter.

Der Šmartinsko jezero – See isch ds nächschte Ziel, wo mer is usg’suecht hei. Der Wäg vom Burghügu zum See lege mer also o pär Taxi zrügg.
Mer loufe em Ufer nah u stune, wie gross dä Stousee isch. Über ne Art Brügg quere mer der See, si enttüscht, dass ds Reschturant zue het u beschliesse, dä Seezipfel z umrunde. Das Gebiet isch g’schützt, entsprächend schön isch d Natur zwäg. Es ganz schön’s Gebiet hie.

Mer löh üs de wieder vom Taxi hole u das bringt is i ds Zäntrum vo Celje zrügg. Na me Spaziergängli dür d Gasse git es e Glace. Der Museumsb’suech isch leider vergäbe. Es isch zue.

So uf die sächse träffe mer is zum Apéro und am siebni ässe mer Znacht. Ds Ässe isch wieder usnähmend guet!
Speter louft wie gäng.

blank

Slowenien Tag 5

Hinterlassen Sie eine Antwort
blank

Vom Bahnhof us nach Celje

blank

62.3 Prozänt vo der Flächii vo Slowenie isch von Wald bedeckt. (CH: 31.5%) Wälder spiele e Schlüsselrolle bi der Entferning vo Schadstoff u der Luftreinigung.
6.6% vo der Bevölkerig i der Schwiz gälte als arm, in Slowenien si n es 13.9%.

Föteli vo hüt:

blankblank

blank

 

Datum: 31.8.2025
Übernachtig: Hotel Evropa, Celje
Erläbnis:

Der hütig Tag faht wieder mit däm wunderbare Zmorgebüffee im City Hotäl a. Hüt si mer aber scho am achti parat. Es isch de o kes Problem, e Platz z finge.

Es isch Sunntig u mer wei hüt uf e Antiquitätemärit gah. Erstunlecherwys si aber nah de nüne scho rächt viel Lüt ungerwägs, – iheimeschi u Tourischte.

Dass dä Märit am Sunni isch, düecht mi b’sungersch, dass dä jede Sunntig stattfingi aber o. D Ware wo abote wärde, si wie überall. Hie het es villicht no chley meh Verbindige zu ‹Militaria›. Am Rand het es de aber o no aktuelli Kunscht u villicht isch no dieses u äis angersch, wo nöier wär.
Uf e Mittag häre göh mer zrügg i ds Hotäl, ds Gepäck gah reiche. Vo dert zöttele mer i Richtig Bahnhof. Mer wei hüt no nach Celje, em zweite Stärn im slowenische Wappe. I guet ere Stung fahrt der Zug mit üs i nordöschtlecher Richtig. Vo der moderne Stadt geit es uf ds Land use. Und, erstunlecherwys isch Celje o wieder e moderni Stadt. Ländlecher, be schoulecher, villicht o g’müetlecher u chlyner präsentiert sech das Stedtli, wo mer us em Zug styge.

Ds Hotäl finge mer sofort. Das isch äbe o chlyner, weniger mondän, aber o guet. Der Räschte vom Nami erkunde mer der Ort, wandere dür d Stadt u em Fluss nah.

blank

Em siebni göh mer zum Znacht. Mer mache o wieder im Hotäl ab u wärde nid enttüscht. Es wunderbar’s Ässe dörfe mer g’niesse!

Der Räschte vom Abe verlouft wie gäng.