25. Juni 2023 07:07

TsentarPlovdiv Center, ул. Цар Ивайло 4, Plovdiv, Bulgarien| 20°C

Wunderbar, mer si ds Plovdiv. Die Stadt het e Vergangeheit vo 8000 Jahr u isch da dermit die älteschti Stadt vo Europa. D Römer hei re Trimontium (drei-Hügel-Stadt) g’seit. Allei d Altstadt isch uf dreine Höger b’boue.

I der Altstadt si d Räschte vom antike Theater u o Räschte vo me römische Stadion z g’seh.

Es het aber o wunderbari Barockhüser us em 19. Jahrhundert, wo no guet erhalte si.

Mer b’sueche g’meinsam ds Klianti-Haus-Museum. Es Hus mit einzigartiger Architektur u re b’sungere Inneusstattig.

Mer si o im antike Theater  ungerwäg’s. Das isch am Ändi vom erschte Jahrhundert us Marmor b’boue worde.

Am Nami chöi mer uf eigeti Fuscht die Stadt erkunde. Mi zieht’s wieder i d Altstadt. I ha no e Uftrag vom Heinze. Är möcht gärn ‹Guld’stärnli für si Tschäppu. Nu de, i mache mi uf d Suechi u ha de schliessli es ganzes Sortimänt zäme.