19. Juni 2023 07:36

Dornacherstrasse 48, 4500 Solothurn, Schweiz | 19°C

Es rägnet wieder einisch. I stah am zwänzg ab vieri uf. De zmörgele u düschele. Es längt g’müetli, am zwänzg ab sächsi uf ds Poschi. Das bringt mi bis Solothurn u dert muess i afe einisch warte.

Der Zug isch megavoll. E Grossteil vo de Reisende muess stah. I g’höre o derzue bis nach Olte, de ha n i Glück.

Ds Gepäck isch de schnäll ufg’gäh, es het gar nid so viel Lüt. O d Sicherheitskontrolle isch tifig düre.
Z schnäll, itz muess i wieder warte. Aber de, –

11.45h mer kurve uf em Flugfäld desume.

11.51 mer si i der Luft.

Zwo Stund später warte n i u mi Goffere.

I bi z Bulgarie:
Bulgarien ist ein Balkanstaat, zu dessen kontrastreichen Landschaften die Küste am Schwarzen Meer, ein bergiges Landesinnere und Flüsse wie die Donau gehören. Die Kultur des Landes ist von griechischen, slawischen, osmanischen und persischen Elementen geprägt. Aus diesen Einflüssen ist eine lange un ― Google… mehr
Hauptstadt: Sofia
Offizielle Sprache: Bulgarisch
ISO-Code: BGR
Vorwahl: +359
Bevölkerung: 6,878 Millionen (2021)
Saatliche Struktur: Einheitsstaat, Parlamentarische Republik
Fläche: 110.994 km²
Vo dene 6,6 Mio Iwohner läbe 2 Mio in Sofia. Die Junge in Bulgarie göh fasch alli i d Stadt. Sofia het e Arbeitslosigkeit vo 3%, uf em Land si öppe 30% arbeitslos. Das füehrt zu re riiesige Landflucht. Es git Dörfer, wo nume no es par Räntner läbe. – Allerdings, we de die Junge ds B’ruefsläbe hinger sech hei, göh si wieder i d Dörfer, i d Hüser vo de Eltere …

 

Nid alli finge i der Stadt ds grosse Ikomme. D «Schäri» zwüsche arm u riich isch hie riisig. Sowohl in Sofia als o im Räschte vom Land.
D Chärre wo hie umegutschiere g’heie entweder fasch usenang, oder si fasch unbezahlbar – u beidi Sorte füehre zu tägleche Stous! Me het zwar Überlegige a g’stellt, die alte u stinkige Mobil us em Verchehr z näh; – isch aber o hie g’schyteret. Me macht itz derfür ds Parkiere in Sofia tüürer u hofft so uf ne Verbesserig.

Sofia ligt i me grosse Tal. Das füehrt im Winter hüfig zu Inversionslage u Smog.

Die erschte Siedligsräschte wo me g’funge het, isch über 5000 Jahr alt u stammt vo de Thraker. Dernah hei alli mügleche Völker ihrer Spure hingerlah. D Römer hei hie g’huset, während 500 Jahr het Bulgarie zum osmanische Riich g’hört, d Russe si geng wieder öppe als ‹Befreier› uftoucht u no hüt luegt me die kommunisteschi Zyt teilwys als positiv a.

Mi erscht Idruck vo dere Stadt isch vor allem prägt vo me chlyne Stadtrundgang, mehrere Chyleb’süech u me Bulgarische Nachtässe (wo n i zu me grosse Teil ha müesse überspringe (Fleisch u Milch).