27. Juni 2023 07:47

«Neofit Rilski» 28, 2770 кв. Стария град, Bansko, Bulgarien | 15°C

Früsch isch es am Morge.Bansko isch e Wintersportort u ligt uf 985m über Meer. Bansko gilt als der grössscht Winterkurort vo Bulgarie.

Mer starte hüt am nüni. Üses Ziel isch ds Rila-Chloschter. Miner Interrässe a Chloschter u Chilene isch zwar langsam deckt; – aber was wott me, – Programm isch Programm, – me chönnt ’s ja no besser läse.

 

 

 

Nu de, i gah mit. Mer fahre Stunde, für zu däm Chloschter z cho. Unterwäg’s b’sueche mer no es Resturant u b’stelle ds Zmittag. Denn fahre mer zu däm UNESCO-Wältkulturerb. Scho vorne drann g’seht me, dass hie e Masseuflouf isch. D Juged louft u lärmet wie wild. Me steit churz vor Schueljahresschluss u d Klasse mache no Usflüg.

 

Mer göh iche u d Katja macht e Füehrig. Me g’spürt ihre Bezug u si het o es immänses Wüsse. Aber na ja, ha glych afe chley Müehi.

 

 

Zum Zmittag fahre mer zum Resturant ache. Itz hätt der Beitzer ja Zyt g’ha, alles z organisiere, aber:  de chunnt afe mal mi Salat, e Viertelstund später ds b’stellte Brot u zäh Minute später ds Getränk. Mi het düecht, das chönnt me g’schydet mache.

Im Louf vom Nami fahre mer die Strecki wieder zrügg.

Na de Sächse träffe mer is wieder. Mer si in Bansko zu me Musiker u Musiglehter i g’lade. Är git zäme mit Schüeler es Konzärtli u anschliessend ässe mer no Znacht.

 

So um die Nüne loufe mer i ds Hotäl zrügg.