Archiv des Autors: Edi

Slowenien Tag 12

Hinterlassen Sie eine Antwort

Bled


„Zdravljica“ (deutsch: Trinkspruch, Prosit) ist der Name der Nationalhymne Sloweniens. Sie basiert auf dem gleichnamigen Gedicht des im 19. Jahrhundert lebenden slowenischen Dichters France Prešeren. Das 1844 veröffentlichte Gedicht spielt in der Geschichte des Landes eine wichtige identitätsstiftende Rolle.
Žive naj vsi narodi
Ki hrepene dočakat‘ dan
Da koder sonce hodi
Prepir iz sveta bo pregnan
—
Da rojak
Prost bo vsak
Ne vrag, le sosed bo mejak!
—
Da rojak
Prost bo vsak
Ne vrag, le sosed bo
Ne vrag, le sosed bo mejak!

Ein Lebehoch den Völkern,
die sehnend nach dem Tage schau‘n,
an welchem aus dem Weltall
verjaget wird der Zwietracht Grau‘n;
wo dem Freund
Freiheit scheint,
und wo zum Nachbar wird der Feind.

—

Text: Luiza Pesjak (1828–1898)

Föteli vo hüt:

blank

Mi düecht ds Wasser scho chley chalt.

blank

Öb ds Glück ächt winkt?

blank

blank

blank

Datum: 07.09.2025
Übernachtig: Ramada Kranjska, Kranjska Gora
Erläbnis:

Der hütig Tag faht bim Zmorge ersch am halbi nüni a. Ds Hotäl in Kranjska Gora, wo mer übernachte, het si ner beschte Tage scho g’ha. Dass der Safe nid funktioniert, ds Fänschter irgendwie o kaputt isch u d Dusche sech nid rächt laht la fixiere, da ha n i drüber ewäg g’luegt.
Ds Zmorgebüffe isch de aber riiesig u o rächt guet.
Es het eifach Masse vo Lüt u der Spyssaal isch e Turnhalle. Im Winter isch hie Wintersport a g’seit. Itz, im Summer het es Velofahrer, odet Biker, u vo dene het es viel. Dernäbe stige im Hotäl Töfffahrer ab, u o vo dene het es massehaft. Währed mer zmörgele, hole si ihrer Töffe us em Chäller. – Me versteit sech fasch nid am Tisch.

Mer hei beschlosse, hüt nach Bled z fahre. Der See dert, e Bärgsee, het e Grössi, wo me z Fuess cha umrunde. Da mer ja sider geschter mit em Outo ungerwägs si, isch es kes Problem, dert häre z cho. Mer parkiere üse fahrbar Ungersatz i re Art Feschtig, oder Kasärne i der Nechi vo Bled. Vo dert probiere mer, müglechscht naach em Wasser drum ume z loufe. Mer si nid allei! Es isch e wahri Völkerwanderig wo da passiert. Mit Hund, Velo, Chinderwage, Fischruete u Fischercharre, am Schlärpele, am Jogge, allei, z zweit, mit Familie oder als Gruppe; – ir glyche oder ir Gägerichtig: ME isch ungerwägs!  Mir ja o, – es chunnt mer vor wie am Titisee.

Am ‹obere› Ändi vom See, mer hei no nid e Drittel vom Wäg zrüg g’leit – , chehre mer zu me Kafi u re slowenische Cremschnitte i. Das Turtestück isch verfüehrerisch!

blank

Ruine vo re Villa am See

blank

Vo dert obe isch mal regiert worde

Vo dert geit es bim Ruederzäntrum verby gäg Bled zue. Wil der Wäg no läng isch, zeige mer Usduur. Bis em drü em Nami si mer de ume, trotz ständigem fötele. Ds Outo isch no da, der Parkplatt isch nid grad billig, aber was wott me. Uf em Heiwäg no gah z käfele schyteret am nid vorhandene Reschturant im Dörfli Vrba. Nah de viere, wieder im Hotäl in Kranjska Gora, het es de eis u mer chöme zum nötige Koffein.

So um die halbi achti göh mer fein gah ässe. Mi Pizza isch z gross.

blank

Slowenien Tag 11

Hinterlassen Sie eine Antwort

blank

blank
Dva zobotrebca hodita po gozdu in srečata ježa. Eden reče: «Daj no, stari, greva raje z avtobusom.»

Drugi reče: «Si neumen ali ne vidiš, da je poln?»

Föteli vo hüt:

blank

blank

blank

blank

 

Datum: 06.09.2025
Übernachtig: Ramada Kranjska, Kranjska Gora
Erläbnis:

Wieder im City Hotäl Ljubjana am Zmorgebüffe isch scho no so schön. Mer träffe üs am achti u ds zmörgele duret.

Am zähni isch Träffpunkt i der Lobby.
Bis denn hei mer wieder i packt, was über Nacht use het müesse. Am zähni sig Übergab vom Mietouto. Dä jung Herr chunnt aber zwänzg Minute früecher, aber mer si parat. Ds Prozedere vo der Übergab isch längwierig u bis er de auf all Frage e Antwort het, duuret o.

I ha i der Zwüschezyt mis Handy a ds Navi g’hänkt, d Sprach vom Enterteinmäntsyschtem umg’stellt u d Strecki nach Kranjsk Gora ig’stellt. Mer chöi starte.
Fahre tuet die Zyt in Slowenie der Beat, – är macht das gärn. Natürli git die Outofahrt e Bitz meh Freiheit.

Ds Ziel isch also Kranjska Gora. Mer fahre nid über d Outobahn. So si n es rund 85km i rund eir Stund u füfzg si mer dert.
Will mer ehnder g’müetlech ungerwägs si, g’seht me viel vo dere Bärglandschaft. Wunderbar bewaldeti Hügle begränze der Wytblick. Mer si i me Wintersportgebiet ungerwägs.

Am Mittag si mer in Radovljica. Das isch es schön’s Stedtli am Wäg. Hie, wie fasch überall in Slowenie wärde Beii g’halte, drum het es o es Museeum.
D Susann, als ehemalegi Imkere, wett das gah luege u mer göh zäme. Es isch sehr interressant u miir chöme vieli Erinnerige.
D Glace am Schluss vo däm B’suech darf nid fähle u de geit es wyter.

Um die viere träffe mer in Kranjska Gora i. Mer fahre zum Hotäl Ramada; – dumm nume, dass es ds falsche isch. Es git zwöi Hotäl mit identischem Name – mer müesse no einisch wächsle. Aber, es chunnt guet.

Am sächsi göh mer i dä Tourischteort zum Znacht. I me ‹Italiäner› ha n i es wunderbar’s Pilzrisotto. De mache n i ‹Büro›. No lang na de zähne isch dusse i de Reschturant ‹Betrieb›.

blank

blank

blank

Slowenien Tag 10

Hinterlassen Sie eine Antwort
blank

Mer picnice nid allei

blank
Ds slowenische Handwärch isch e wichtige Teil vom kulturelle Erb, mit ere grosse Anzahl a traditionelle u moderne Produkt wie Töpferware, Holz- u vielerlei textile Arbeite. Allerdings wird o Slowenie mit Billigprodukt us em Oschte überschwemmt. Hand-Wärch geit verlore.

Föteli vo hüt:

blank

 

blank

blank

blank

blank

blank

Datum: 05.09.2025
Übernachtig: City Hotel, Ljubljana
Erläbnis:

Hüt isch der letscht Tag in Maribor.  Der Tagesafang isch g’wohnt. Me muess nümm usprobiere, me kennt’s. 😉

Mer hei geschter beschlosse, der Tag no zu me grosse Teil in Maribor z verbringe. Na de zähne mache mer is uf e Wäg zum Märit. Quer dür d Stadt chöi mer lädele, g’wungere, luege, und, und, und.  Es geit zwar viel Zyt düre, aber mer lehre d Stadt so o kenne. E Teil vo de Orte hei mer währed der Besichtigung mit der Nada g’streift.

Der G’mües- oder Buremärit fingt jede Tag statt, (am Samschtig wär er grösser). Vom Hotäl us loufe mer knapp zäh Minute dür d Stadt zu däm Märitplatz. Dert si lang nid all Stäng b’setzt, aber es git glych es Bild vo dene Händle wo hie tribe wärde.
Mer decke n is mit Frücht, Chueche u Brot i, choufe no Wasser, loufe zur Drau übere u göh über e Mittag ga picnice.
Will mer am Wasser si, blibe mer nid lang allei, d Schwanefamilie wette o öppis dervo ha. Mer si grosszügig.

Der wyter Wäg geit wieder i d Altstadt iche, mer wei no einisch i ds Stadtschloss u dert e Teil vo der Sammlig a luege. Mer touche bös i d Vergangeheit ii, aber es isch interressant. D Theme si sehr wyt g’fasst, drum chöi mer lang nid alles a luege.
Irgendeinisch bräche mer uf u loufe zum Hotäl zrügg. Dert wei mer no i d ‹LUFT›. Das isch es Lokal, wo im Hus näbedranne zwölf Stockwärch über em Bode isch. Bi me Spezialkafi g’niesse mer die Ussicht. Uf die drü müesse mer im Hotäl gah ds Gepäck reiche u zum Bahnhof marschiere.

Dert fahrt der Zug de scho gly ab i Richtig Ljubljana.blank

Das git wiede e Zugfahrt mit vielne Halte. Aber itze, am Schluss si mer i der Houptstadt. Mer übernachte wieder im ‹alte› Hotäl. Der Abe geit z Änd mit ässe u diskutiere.

blank

Slowenien Tag 9

1 Antwort

 

blank

Irgendwie würkt der Sozialismus gäng no

blank
Wenn me Slowene u ihri Identität wot verstah, muess me sech i ds Angebot vo de rund hundert Festivals, über füfzg Musee u Galerie und rund drissg Musig- u Theaterhüser vertiefe.

Föteli vo hüt:

blank

blank

blank

Der Bahnhofplatz isch e Bitz läär…

blank

blank

Datum: 04.09.2025
Übernachtig: B&B Maribor
Erläbnis:

Der hütig Tag faht wie geschter a. Mer si gäng no ds Maribor, göh nam Zmorge wieder zum Bahnhof u fahre mit em Zug nach Ptuj. Nume stige mer dert nid us, mer blibe im Zug bis Murska Sobota. Das isch wieder meh bi der Gränze gäg Öschterrich.

Die Reis isch fasch pär Zuefall z stand cho. Einersits wei mer vom Land no meh g’seh, denn steit uf üsere Wunschlischte, dass mer i re Therme wei gah bade u de het öpper g’seit, in Murska Sobota heig es e schöni..

Nu guet, mer gondle also meh als e Stund dür ds Land für in Murska Sobota gah z plantsche. Mit Interrail macht me so ööppis. Natürli isch es e Söischwänzlizug, wo mer dermit fahre u es geit bös uf ds Land use, – aber es isch interressant u schön.

Murska Sobota isch de o rächt abg’läge, der Bahnhofplatz läär u vo Taxi isch da nüt z g’seh. Wil, geschter hei mer d Wyterfahrt pär Taxi planet.
Mer b’stelle eis pär Telefon, bis zur Therme sin es no siebe Kilometer.
Das klappet alles wie am Schnüerli, der Täxeler isch über die Fahrt erstunt u über d Tourischte no meh u de no us der Schwiz.

I der Therme 3000 si de mir erstunt, wie gross u o rächt suber. Usse isch es wie n es Freibad, viel Sportplatz u mehreri Becki. Ds Wasser isch nid speziell g’wermt.
Dinne «ist es etwas in die Jahre gekommen», aber nid so schlimm. Der Sozialismus drückt düre.

Ds Wasser isch schön warm u hie und da ploderet’s. (Wil Luft ichepumpet wird, nid wäg de Badegescht!) Für Heilchreft muess me scho fescht dra gloube…

Em halbi drü mache mer is wieder uf e Rückwäg u irgendwie chunnt mer dä Wäg ir Bahn no länger vor (?).

Wieder in Maribor, muess i um die sächse no i d Wöscherei gah Chleider reiche. Na me Spaziergang der Drau nah u e me feine Znacht am Wasser, chöme mer uf em Heiwäg no bi re öffentleche Balettvorfüehrig verby.

blankScho no speziell u idrücklech.