E ganz bescheidene Blick i d Umbouphase vo «le figuier» in Beauvoisin. D Veronika het das Hus um ds Jahr 2000 g’chouft u de het der Umbou a g’fange. Die erschte Bilder si us em Jahr 2003. Öppe 2005 si die erschte Gescht dert übernachtet u bewirtet worde. Viel Schweiss, Müehi u Chraft isch i die Muure g’steckt worde u em Schluss isch es es Schmucktruckli worde. Klar, me hät no meh chönne, aber einisch muess guet sii.