Tag 5

Emmette 24 isch verby. Hüt morge isch dert zwar no e schöne Morge g’sy. I ha die üblechi Morgeroutine lah abloufe: em siebni ufstah, renoviere u öppe em halbi achti gah zmörgele.

Drüviertel Stung später gah n i de ga fertig packe. So gäg die nüne bi n i fertig u ha d Rächnig o scho zahlt. Mis Poschi chummt aber ersch am halbi elfi. Das längt wunderbar, no gah z spaziere. I loufe ds Dorf düruf u lande de bi der Schuel u der Chilche. Dert het es e riesegi Papple u drunger Bänk. E schöne Platz zu chley läse. I blibe dert bis am zähni, gah zrügg, reiche ds Gepäck, verabschide mi vo der Frou Würsch u reisle de hei.

Ungerwägs wird es gäng wie grauer. I bi gar nid lang daheim, schiffet’s wieder.