Ängu 23-5
Geng wie geng, einisch muess me wieder hei.
Am siebni uf,packe, Zmorge ässe, no einisch i Volg u de wird es rüehiger. Ir Nechi lande scho die erschte Gleitschirmsägler.
I mache o hütt der Dorfrundcher für dass i chley g’loffe bi. Am zähni muess i d Rächnig beglyche u no chley tampe mit der Frou Würsch. Itz stah n i bi der Posch u luege zue, wie ds Volch zuecheströmt. Zersch chunnt ds Poschi gäge Seelisbärg u dernah das gäge Stans.
Im Hui bi n i ds Stans u muess dert e halb Stung blöterle. Der Aschluss ds Luzärn isch fasch nahtlos u de geit es i eir G’müetlechkeit gäge Bärn.
Zwüsche zwöi u drü bi n i daheim u es längt no guet i z choufe u der Hushaltklimbim wieder a z wärfe. Bis zum nächschte …
