Ängu 23-2
Was mer letscht Jahr e Buur oberhalb vo Seelisbärg verzellt het, mache n i das Jahr als Usflug.
I ha nid sonderlig guet g»schlafe, drum bi n i scho em halbi sibni wach. Verusse uf der Strass fahre viel Iheimeschi düre uf d Büez. Em halbi achti bi n i bim Zmorge. D Ängländer si o da u hei ei Betrieb i däm Spiissaal; – ts ts ts! Der Bus wartet scho.
Nachhär ga ni i Volg u nah de nüüne wartet mis Poschi vor em Hotäl. (Das isch scho gäbig, isch das so nach.)
I fahre bis Seelisbärg Tanzplatz. Bim Spielplatz verby (wo scho voll im Betrieb isch) mache n i e Spaziergang dür e Wald zur Talstation vo der Weidbahn.
Die steit z Wald u n es isch es Bähnli mit zwe Kabine. Eini fahrt ueche, we die angeri ache… Ds Biliee löse geit mit em Outomat, de warte bis d Kabine da isch, istige, d Bedienigsaleitig läse u ds richtige Chnöpfli drücke. Es isch es Sälbschtbedienigsbähnli.
 |
 |
 |
 |
 |
|
Nu, – es fahrt. Bis ueche zum Beizli Weid, wo o alles mit Sälbschtbedienig louft. Lüt si äbe tüür, o hie! Nach me Kafi loufe n i nidsi. Es isch teilwys (mooremässig) steil u rütschig. I ha zwar die höche Schueh anne, aber d Stäcke ha n i grosszügig im Hotäl g’lah.
D Sicht isch trüeb, aber d Ussicht isch grossartig schön. I bi hüt abonniert, der Urnersee a z luege.
 |
 |
‚Jungmannschaft‘ wo me häreluegt. Schlafe im Höi isch Programm für all.
Scho wahnsinnig, dass da zmitts i der Schwiz so ne grosse Blitz us Wasser i der Landschsft isch.
Es zieht sech zwar chley, aber nach zwone Pouse u me Bewunderigsschlöifeli um n es Schlössli chume n i ds Boue a. (Da hei si doch ir Beiz obe g’seit, wie das wyt sig.)
 |
 |
Uf ds Schiff warte n i ziemli lang u n es luftet am Quai, – das tuet aber gar nid schlächt.
D Fahrt uf em See isch ungerhaltsam, s het gaamz viel Alti, chley weniger Jungi uf der Schuelreis u paar Mittelalterlegi wo schaffe. 😉. (luege, lose, amüsiere)
Ds Beckeried warte n i wieder uf ds Poschi. Das weiss i aber z nütze. Es Kafi ligt drin u de muess i no es Sackmässer choufe. (😉 Ha daheim es ganzes Sammusurium, aber kes isch i ds Gepäck gumpet.)
Gäg die halbe füfe bi n i wieder ds Emmette im Ängu.
Retabliere 😉 u Büro mache, speter git es de no Znacht.
Es isch e schöne Abe!
