Uf em Wäg zrügg uf Rapperswil …
Ha hüt müesse früech ufstah. Schliessli ha n i no der Bitrag vo geschter müesse fertig mache. Irgendwie het mi nächti düecht, am elfi läng’s, i gieng itz i ds Bett. U d Wadli hei o chlei zoge 😉.

Nu de, nah de sibne bi n i zum Zmorge u ha später packt. Eigetli wurmet’s mi chley, itz scho wieder hei, aber i cha ja wieder cho. Zum Bispiu 23?

Natürli isch’s wie geng, i bi viel z früech fertig. Em Viertel na de Nüne mache mi langsam uf e Heiwäg.

Zersch z Fuess dür e Piazza Grande (ei riese Boustell) bis zum Bahnhof ueche. Dert es Kafi, wil’s no längt. De mit em Zug bis Bellinzona u dernah bis Luzärn, Bärn, Münchebuchsi. Das geit tifig. 😉