Emmette zum Zwöite

Judihudi, i bi wieder z Emmette a cho. Am Mäntig em 13. ha n i g’nue Zyt i planet für z reisle. Em Mittag em zwölfi sächzäh bi n i z Buchsi i Zug i g’stige u über Bärn u dür ds grösschte Buech bis Luzärn g’reislet.Vo dert geit ds Zugfahre no wyter bis Stans. Da ha n i e Ufenthalt vo fasch driisg Minute. I gah schnäu i d Droguerie, luege wo d ‚Kante A‘ isch … u weiss der Gugger, mis Poschi isch scho furt.

Nu de, – es Kafi mit Gipfu, – e Stund warte u i bi uf em Wäg nach Emmette.

Itz nischte i mi mal i, plane n i der morndrig Tag u pfüsele e Rundi.