19. 5. Nachtrag zum Donnschti:

Irgeneinisch ha n i e guete Chouf tätiget. Zu mire Usrüschtig g’hört e Zäggechlammere. Geschter, wo n i i ds Bett ha wölle, ha n i so ne Bluetsuger uf em Schiinbei g’ha u bi fro g’sy, ha n i d Chlammere chönne us der Apithek näh.
Är het sech g’wehrt, dä Hagu, aber i bi der Stercher g’sy 😉

Vorbereitung auf Freitag:

Bim Zmorge het me mer mittwilt, dass d Chefi mit mer wöll rede. Huiiii, was isch ächt los?

Si isch de cho u het mer vo re Notlag verzellt. Si het zweni grossi Zimmer u ob i nid bereit wär, no i n es chliners z wächsle.

I ha züglet, si isch glücklech u «wot mer’s nie vergässe». 😉

Nu ja, mir macht’s nüt us, – auso de.