15.7. Uiiii, Geschichte!
Was macht me a so me ne Tag? Der Wätterb’richt isch himmutruurig… es söu der ganz Tag rägne, u de nid z knapp.😉😉😉😉😉😉😉😉😉😉😉😉😉😉😉😉😉😉
Drum ha n i geschter beschlosse, hüt chlei öppis für mini Biudig z tue. I fahre nach Schwyz. Zwar hätt i uf d Klewenalp wöue, aber i ha hüt am Morge d Webcäm a g’luegt: Prrrrrrrrrrrrrrr!
Nu guet, itz bi n i da: HAUG Confiserie Café Restaurant u isse ds Zmittag. Es het nid so viu Lüt, ds G’müesrisotto isch guet g’si u n i ha Zyt, mer der Vormittag dür e Chopf lah z gah.
Ds Beckeried uf d Outobahn, quer unger Emmette düre, Ds Altdorf ab der Outobahn u em Urnersee nah gäge Schwyz: e haubi Wäutreis chönnt me meine, aber me isch im Schwick da. I bi de ds Ibach im Mythecenter gah parkiere u stune, dass das hie gratis isch. ( I der Zäntrauschwiz gäute sowieso chlei eigeti Regle, – i dänke das öppe o wäg em Masketrage. 😉)
Mythe itz vo nachem. 
Guet, auso, – Ibach: zersch muess i i d Victorinox. Das wird öppe aus touristisches Highlight g’rüehmt. Isch aber eigetli nume e Mässerlilade, – tüecht mi. Guet, soviu Sackmässer ha n i äuä no nie g’seh – u es het o viu Sondermodäu, Chuchimässer u Jagdhegle. Aber, der einzig Zwäck isch hie Umsatz. – Ja u de hiufe ne no, dä z vergrössere …
Erstunlech, dass es dusse praktisch nid rägnet. Zwüschedüre isch es sogar e Bitz häuer.
De bi n ig na de Hosesackwaffe i ds ‚Forum Schweizer Geschichte‘. Isch ja nid wyt. I gah z Fuess.
– Es het sech viu ta i Bezug uf ds G’schichtssäubstverständnis vo de Eidgenosse. I drü Teile wird der Wäg zu üsem Land darg’leit. Zersch, im Dachg’schoss, wärde der Handu u dermit der stigend Wohustand aus Grundlag zeigt. Denn chöme Wohustandserschinige: 
Säubschtbewusstsi, Biudig (nadisna de sogar für ds g’meine Vouch, aber das duret no es par Jahrhundert), Unabhängigkeitsbesträbige (me wott ja Abgabe spare) u Ufständ gäge di schwachi Obrigkeit. Zlescht wärde Bündnis g’schlosse, für sech der Wohustand z bewahre u z verteidige – u fertig isch d Eidgenosseschaft. I bi wieder im Ärdg’schoss.
 |
 |
 |
 |
 |
 |
 |
 |
 |
 |
Aus Tüpfli uf em I zeige si im Ungerg’schoss e Sonderusstellig zum Thema‘ Royals‘: B’süech vo Chüniginne u Chünige ir Schwiz (u was das usg’löst het.) Zum Bischpiu au die Hotäls wo Viktoria touft worde si.😉 – Interessant – interessant – u üsserscht amüsant.
Dernah bi n i rif g’si für e HAUG.
Nach em Zmittag luege mer das Schwyz no chley a. Näbe viu nöie Hüser (g’schackvouer aus z Emmette) git es sogar es paar auti. G’schicht u wi me se versteit, wird da sogar ar Fassade zelebriert. 
Muess no e Bitz chrame u öppe em haubi vieri fahre n i zrügg uf Emmette. Muess no Ougepfleg mache, würd der Herr Heiniger säge. Ungerwägs zeigt der Himmu, dass er no Räge het u der Vierwaudstättersee isch übervou. 😉😉😉😉😉😉😉😉😉😉😉😉😉😉😉😉😉😉
